Դեսպան Տիգրան Բալայանը հյուրընկալվեց Հաագայի շրջանի Ռոթարի ակումբում

20 հունիսի, 2023

Հունիսի 20-ին դեսպան Տիգրան Բալայանը հյուրընկալվեց Հաագայի շրջանի Ռոթարի ակումբում՝ որպես պատվավոր հյուր և հիմնական բանախոս։

Ակումբի անդամներ են հանդիսանում անվանի քաղաքական և հասարակական գործիչներ, գործարար, գիտակրթաական, մշակութային և մի շարք այլ շրջանակների ներկայացուցիչներ։

Դեսպանը հանդես եկավ ելույթով՝ ներկայացնելով Հայաստանի պատմությունը, հայ-նիդերլանդական հարաբերությունների պատմական զարգացումը և ներկայում առկա գործընկերության մակարդակը, ինչպես նաև Հայաստանում տեղի ունեցող լայնածավալ բարեփոխումները։

Տիգրան Բալայանն անդրադարձ կատարեց տարածաշրջանային զարգացումներին, մասնավորապես Լաչինի միջանցքի ապօրինի շրջափակման հետևանքով Արցախում առաջացած հումանիտար ճգնաժամին։

Ելույթի ավարտին Տիգրան Բալայանը պատասխանեց ներկաների հարցերին՝ Հայաստանի արտաքին քաղաքականության, տնտեսության և մշակույթի մասին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր